Хураангуй:
Энэхүү судалгааны ажил нь байгууллагын үйл ажиллагаанд, ялангуяа жижиглэн худалдааны салбарын сүлжээ супермаркетууд, дэлгүүрүүд, конивенс дэлгүүрүүдийн үйл ажиллагаанд хиймэл оюун ухааныг (Artificial Intelligence) ашиглах өнөөгийн хэрэглээ, чиг хандлага, боломж болон сорилтуудыг судалсан болно. Монгол Улсын жижиглэн худалдааны салбарт бодитоор тулгарч буй асуудал, сорилтуудыг тодорхойлж, дэлхийн жижиглэн худалдааны зах зээлд өрнөж буй дижитал шилжилтийн чиг хандлагатай уялдуулан шийдвэрлэх боломжит арга замыг боловсруулахыг зорьсон болно. Ингэхдээ бидний мэддэг юм шиг хэрнээ мэддэггүй хиймэл оюун ухааны суурь онолуудаас эхлэн тэдгээр нь жижиглэн худалдааны бизнесийн үйл ажиллагаанд бий болгож буй үр нөлөө, давуу талыг бодит кейс судалгаанд тулгуурлан шинжилсэн.
Энэхүү судалгаагаар хиймэл оюун ухааны хөгжил, олон улсын туршлагыг жижиглэн худалдааны байгууллагад нэвтрүүлэхийн ач холбогдол, тулгамдаж буй асуудлыг шийдвэрлэх боломжийг тоймлон харуулж, амжилттай хэрэгжүүлэхэд нөлөөлөх гол хүчин зүйлсийг тодорхойлсон.Үүний үндсэн дээр Монгол Улсад хэрэгжүүлэх боломжтой загвар, моделийг санал болгохыг зорилгоо болгосон.
Түүнчлэн тус салбарт ажиллаж буй удирдлагын түвшний ажилтнууд болон нийт ажиллагсдад зориулан хиймэл оюун ухааны хэрэглээг хүний ур чадвартай уялдуулснаар бизнесийн үйл ажиллагааг хэрхэн өргөжүүлэх боломжтой талаар санал, зөвлөмжийг дэвшүүлсэн.
Түлхүүр үг: Хиймэл оюун ухаан, жижиглэн худалдаа, дижитал шилжилт, өгөгдөлд суурилсан шийдвэр гаргалт, автоматжуулалт, хэрэглэгчийн туршлага.
