Хураангуй:
Монгол Улсын Үндсэн хуульд оруулсан нэмэлт, өөрчлөлтийн хүрээнд 2021 онд шүүх эрх мэдлийн шинэчлэл хийгдэж, Шүүхийн тухай хуулиар Улсын дээд шүүхийн хяналтын журмаар хэрэг хянан шийдвэрлэх эрх, үндэслэлийг анх удаа тодорхой хуульчилсан. Улмаар 2023 онд Үндсэн хуулийн цэцийн дүгнэлт болон хуульд оруулсан нэмэлт, өөрчлөлтийн үр дүнд хяналтын гомдол хүлээн авах үндэслэл өргөжиж, эрх зүйн ойлголт, хууль хэрэглээний нэгдмэл байдлыг тогтооход зарчмын ач холбогдолтой асуудлыг хянан шийдвэрлэх боломж бүрдсэн. Энэхүү шинэчлэл нь Улсын дээд шүүхийн хууль тайлбарлах болон эрх зүйн нэгдмэл байдлыг хангах чиг үүргийг бэхжүүлж, иргэдийн шударга шүүхээр шүүлгэх эрхийн баталгааг нэмэгдүүлсэн. Иймээс иргэний хэрэгт хяналтын журмаар гомдол гаргах үндэслэлийн онол, практикийн асуудлыг судлах шаардлага үүсэж байна.
