Хураангуй:
Сүүлийн жилүүдийн байдлаар машины импорт өссөнтэй холбоотой шатахууны импорт өссөөр байна. Энэ хэмжээгээр шатахуун түгээх станцын тоо тэлж өсөхийн хэрээр зах зээлд өрсөлдөөн бий болно. Өсөн нэмэгдэж буй эрэлтийг хангах нь шатахуун түгээх станцуудад илүү олон шатахуун түгээх станц барих боломж юм. Шатахуун түгээх станцын үйлчлүүлэгчдийг өөрийн сонгосон шатахуун түгээх станцаар үйлчлүүлэхэд юу нөлөөлж байгааг мэдэж, өрсөлдөх давуу талыг бий болгох юм. Энэхүү судалгаа нь шатахуун түгээх станц сонгоход үйлчлүүлэгчдэд ямар хүчин зүйл нөлөөлж байгааг судлах юм.
Судалгааны ажлын хүрээнд “The factor influencing consumer preference in choosing petrol station in Thailand” Pharima Phongphanich (2022) болон “Assessment of Factors Influencing Retail Consumers’ Choice of Fuel Service Stations in Lusaka, Zambia” Abby Pangani, Bupe Getrude Mwanza (2024) судалгааны ажлын загваруудад үндэслэн сонголтод нөлөөлөх хүчин зүйлийг тодорхойлсон. Улаанбаатар дахь шатахуун түгээх станцаар үйлчлүүлэгчдийн сонголтод брэндийн дүр төрх, бүтээгдэхүүний чанар, үйлчилгээний чанар, үнэ, идэвхжүүлэлт, байршил, нэмэрт үйлчилгээ зэрэг хүчин зүйлс нь эерэг нөлөөтэй гэж үзсэн.
Судалгаанд нийт 409 түүврээс 53 асуулт бүхий эмпирик судалгаа хийж гүйцэтгэсэн. Шинжилгээний хүрээнд давтамж, найдвартай байдал, хүчин зүйл, корреляци, регресс, кластер шинжилгээ хийж үр дүнг гаргасан. Судалгааны үр дүнд Улаанбаатар дахь шатахуун түгээх станцаар үйлчлүүлэгчдийн сонголтод байршил, нэмэлт үйлчилгээ, үйлчилгээний чанар, брэндийн дүр төрх, бүтээгдэхүүний чанар зэрэг хүчин зүйлүүд эерэг нөлөөтэй бол идэвхжүүлэлт сөрөг нөлөөтэй, үнэ нөлөөгүй үр дүн гарсан.
