ЕБС-н сурагчдад зориулсан идэвхжүүлэлтийн зорилготой мерч бүтээгдэхүүний хэрэгцээг тодорхойлох судалгаа

Abstract

Энэхүү судалгааны ажлаар ЕБС-ийн сурагчдад зориулсан идэвхжүүлэлтийн зорилготой мерч бүтээгдэхүүний хэрэгцээ, худалдан авах хүсэл эрмэлзэлд нөлөөлж буй үнэт зүйлсийг онолын болон эмпирик түвшинд тодорхойлохыг зорьсон. Судалгааны онолын үндэслэл болгон хэрэглээний үнэ цэний онолыг (Consumption Value Theory) ашигласан бөгөөд сурагчдын үнэт зүйлсийг ёс зүй, шинэлэг байдал, сэтгэл хөдлөл, үр ашиг, бие даасан байдал, нийгмийн илэрхийлэл зэрэг олон хэмжээсээр тодорхойлсон. Судалгаанд Улаанбаатар хотын төрийн ЕБС-уудын 409 сурагчид хамрагдаж, асуулгын аргаар мэдээлэл цуглуулсан. Боловсруулалтад SPSS программ ашиглаж, фактор шинжилгээ, корреляцийн шинжилгээ, регрессийн шинжилгээ, логик хамаарлын тест болон бүлгүүдийн дундаж утга дээр суурилсан статистик шинжилгээг хийсэн. Энэхүү судалгааны үр дүн нь монголын ЕБС-ийн орчинд мерч бүтээгдэхүүний хэрэгцээ, хэрэглэгчийн үнэт зүйлс, худалдан авах хүсэл эрмэлзлийн онол, практикийн түвшинд судалсан анхны ажил болж байгаа бөгөөд цаашдын бүтээгдэхүүн хөгжүүлэлт, маркетингийн бодлого, сургуулийн соёл төлөвшүүлэх стратегид бодитой хувь нэмэр оруулах боломжтой байна.