Хураангуй:
Зах зээлийн харилцаанд оролцож байгаа бүхий л байгууллага үйл ажиллагаагаа тасралтгүй үргэлжлүүлэн үйлчлүүлэгчдэд чанартай бүтээгдэхүүн, үйлчилгээг түргэн шуурхай хүргэж байгууллагын хэмжээнд гарч байгаа зардлыг үр ашигтай байлгаж, үйлчлүүлэгч болон өөрийн ашгийг боломжит дээд түвшинд хүргэхийг зорин ажилладаг. Байгууллага зөвхөн нягтлан бодох бүртгэл хөтлөх, төлөвлөх зорилгоор тооцоолол хийхээс илүүтэйгээр удирдлагын шийдвэр гаргалтад нөлөөлөхүйц орчин үеийн арга хандлагуудыг ашиглан үйлчилгээний өртгийн тооцооллыг хийхийг хичээж байна. Тиймээс үйлчилгээний байгууллага нь үйлдвэрлэлийн байгууллагийн нэгэн адил үзүүлж байгаа үйлчилгээнийхээ өртгийг үнэн зөв тооцоолсоноор үйл ажиллагааны ашиг болон үйлчилгээний үнэ цэнийг бодитоор илэрхийлэх боломжтой учир үйлчилгээний зардал болон өртөг, түүнийг оновчтой хуваарилах аргуудыг судлах шаардлага байсаар байна.
Өөрийн ажилладаг байгууллагыг судалгааны объектоор сонгон авч 2023 онд гарсан зардлын гүйцэтгэл болон үйл ажиллагааны тайлангийн мэдээлэлд тулгуурлан байгууллагын өртөг тооцооллыг боловсронгуй болгох арга зүйг боловсруулан нислэгийн хөдөлгөөний үйлчилгээний өртгийг тооцож үзлээ.
Нислэгийн хөдөлгөөний үйлчилгээний өртгийг тодорхойлох талаар судалгааны ажил хийгдэж байгаагүй тул өртгийг тооцсоноор ашигт байдлаа зөв тодорхойлох, ажил үйлчилгээний үнэ тогтоолтод хэрэглэх бодит өртгийн мэдээллээр удирдлагыг хангах боломж бүрдэнэ.
Түүнчлэн байгууллагын ERP системд үйлдлийн төвүүдийг нарийн тодорхойлж оруулан АВС тооцох арга аргачлалыг илүү боловсронгуй болгон хөгжүүлэх нь зүйтэй юм.
