Хураангуй:
Сүүлийн жилүүдэд Инстаграм платформ нь хэрэглэгчийн худалдан авах зан төлөвт хүчтэй нөлөөлж эхэлсэн. Энэхүү судалгааны ажлаар эмэгтэй хэрэглэгчдийн хувцас худалдан авах шийдвэрт Инстаграм нөлөөлөгчдийн үзүүлж буй нөлөөллийг тодорхойлохыг зорьсон. Судалгаанд 20–49 насны эмэгтэйчүүдийг хамруулж, асуулга аван, SPSS програм ашиглан фактор, корреляци, регресс зэрэг статистикийн шинжилгээ хийсэн.
Судалгааны үр дүнд инфлюнсэрийн итгэлцэл, үнэнч байдал, контентийн төрөл нь хэрэглэгчийн худалдан авах эрмэлзэлд эерэгээр нөлөөлж байгааг тогтоосон. Түүнчлэн нөлөөлөгчийн сэтгэл татам байдал, хэрэглэгчтэй үүсгэсэн ижил төстэй, бодит харилцаа нь шийдвэр гаргалтад чухал үүрэг гүйцэтгэж байв. Монгол хэрэглэгчид инфлюнсэрийн сурталчилгааг болгоомжтой хүлээн авдаг тул бодит, итгэл төрүүлэхүйц контент илүү үр нөлөөтэй байжээ.
Энэхүү судалгааны дүн нь маркетингийн стратеги боловсруулах, Инстаграм нөлөөлөгч маркетингийг үр дүнтэй ашиглахад чиглэсэн бодит зөвлөмж боловсруулахад хувь нэмэр оруулсан.
